Ná onlangse gebeure in die streek, veral in Railton, word daar ’n dringende beroep op inwoners om na vore te kom met enige inligting oor seksuele misbruik, uitbuiting en die teikening van minderjariges.
Regskenners en instansies wat berading doen in die streek het bevestig dat ondersteuning beskikbaar is vir enigeen wat bereid is om te getuig of inligting te deel oor seksuele misbruik, kindermishandeling of menslike uitbuiting.
Die regsfirma Slabber Levendal & Associates het ingestem om hulp gratis aan te bied.
Persone met inligting kan per epos met quanita@vmandk.co.za in verbinding tree.
Alle klagte word sensitief hanteer, en waar nodig, sal regs- en veiligheidsbystand verskaf word om te verseker dat getuies beskerm bly.
Inwoners word ook aangemoedig om enige verdagte aktiwiteite of inligting oor seksuele oortredings vertroulik aan te meld by Crime Stop 08600 10111 of deur die MySAPS-app te gebruik.
